2JOHANA,1:1-13

      2John (1/1)     
1.  Upa chuan, hmeichhe tha thlan leh a fate hnenah: Thutak, keimahnia awm reng, kumkhua pawha kan hnena awm tur avang hian tih tak zetin ka hmangaih che u a ni;
2.  kei chang ka ni lo e, thutak chu hria apiang pawhin a ni.
3.  Pa, Pathian leh Pa Fapa Isua Krista hnen ata khawngaihna te, zahngaihna te, remna te chu, thutak leh hmangaihnain kan hnenah a awm ang.
4.  Pa hnen ata thupek kan hmuh ang khan i fa, tute emaw thutaka awmin ka hmuh avangin ka lawm hle a ni.
5.  Hmeichhe tha, i hnenah thupek thar ziak ang ni loin, atir ata kan neih ang kha ziak zawkin, kan inhmangaih tawnna turin ka ngen chiam a che.
6.  Tin, hei hi hmangaihna a ni, ama thupek ang zela kan awmhi. Thupek, atir ata in hriat ang chu hei hi a ni, chu miah chuan in awm tur chu.
7.  Bumtu tam tak - Isua Krista chu tisain a lo kal tih tan lotute kha - khawvelah hian an lo chhuak ta si a. Chutiang mi chu a ni, bumtu leh Krista dodaltu chu.
8.  Kan thawh chhuah sate kha in hloh loh a, a man chu a kima in hmuh theih zawkna'n inveng tha rawh u.
9.  Tupawh Krista zirtirna thua awm reng loa khum chuan Pathian a nei lo e. Chu mi zirtirna thua awm reng erawh chuan chu mi ngei chuan Pa leh Fapa a nei kawp a ni.
10.  Tupawh chu mi zirtirna thu chu rawn keng loin, in hnenah lo kal se la, in inah thlentir suh u la, tawngkam tha pawhin thlah suh u;
11.  tawngkam thaa thlahtu chu a thiltihsualah chuan a tel ve si a.
12.  In hnenah thu tam tak sawi tur ka neih avangin lehkha leh lehkhatuiin ziak ka duh lo e; in lawm a kim theihna'n in hnena lo kala inhmatawna inbiak ka beisei zawk a ni.I laizawnnu thlana faten chibai an buk a che.
13.  I laizawnnu thlana faten chibai an buk a che.
      2John (1/1)