SAM,84:1-12

← Psalms (84/150) → 1. Aw sipaihote LALPA, I awmnate chu a va duhawm em! 2. Ka nunna hian LALPA biak in hung chhung kawtlaite chu a ngai em em a, a ni; a chauh phah hial a;Ka thinlung leh ka tisa hi Pathian nung hnenah chuan a au chhuak a. 3. Aw sipaihote LALPA, ka lal leh ka Pathian I maicham bulahte chuan Chawngzawngin bu a chhep a, Vamur pawhin bu anei, ano dahna turin. 4. I inah awmte chu an eng a thawl e: Nang chu an fak fo ang che. (Selah) 5. Nangmahah chakna nei mi chu a eng a thawl e; A thinlung Zion panna lamliante awma chu. 6. Tahna ruam chu an zawhin tuihna awmnate an siam thin a, A ni, ruahtui tla hmasa chuan malsawmnain a khuh thin. 7. Chakna atangin chak lehzualnaah an kal thin a, Zion-ah Pathian hmaah chuan an inlan theuh thin. 8. Aw LALPA, sipaihote Pathian, ka tawngtaina hi mi ngaihthlaksak la: Aw Jakob-ho Pathian, beng lo chhi ang che. (Selah) 9. Aw Pathian kan phaw ber, en teh, I hriak thiha hmel hi en teh. 10. I biak in hung chhung kawtlaia ni khat awm hi, ni sangkhat aiin a tha zawk si a. Suahsualna puan intea awm ai chuan, Kan Pathian ina kawngkhar vengtu nih pawh ka duh zawk a ni. 11. LALPA Pathian chu ni leh phaw a ni si a: LALPA chuan khawngaihna leh ropuina a pe ang a: Dik taka awmte lakah chuan thil tha reng reng a ui lo ang.Aw sipaihote LALPA, Nangmah ring mi chu a eng a thawl e. 12. Aw sipaihote LALPA, Nangmah ring mi chu a eng a thawl e. ← Psalms (84/150) →