DEUTERONOMY,16:1-21

←  Deuteronomy (16/34)  →
1.  Abib thla chu thla serh ah nei u la, LALPA in Pathian tana Kalhlen Kut na'n hmang rawh u: Abib thla hian a ni, LALPA in Pathian chuan Aigupta ram ata zanah a hruai chauh che u ni.
2.  LALPA'n a hming awmna a la ruat turah chuan LALPA in Pathian hnenah in beram rual zinga mi leh ran rual zinga miin Kalhlen Kutah in inthawi tur a ni.
3.  chhang dawidim telh nen in ei tur a ni lo; in dam chung zawnga Aigupta ram ata in chauh ni chu in hriat reng theihna'n ni sarih chhang dawidim telh loh, hrehawmna chhang nen in ei tur a ni, Aigupta ram atang chuan hmanhmawh taka chhuak in nih kha.
4.  In ram chhungah ni sarih chhung chu, dawidim reng reng a awm tur a ni lo a; tin, ni khat ni tlai lama in inthawina sa chu zankhuain a tuk zing thlengin engmah a awm tur a ni lo.
5.  LALPA in Pathianin a pek che u in awmna khawiah mah Kalhlen Kut inthawiin in inthawi thei lo ang a;
6.  LALPA in Pathianin a hming awmna a la ruat turah chauh chuan ani ang; chutah chuan Aigupta ram ata in lo chhuah hun ang tlai lamah, ni tlakah Kalhlen Kut inthawin in inthawi tur ani a.
7.  Tin, in rawh ang a, LALPA'n hmun a la ruat turah chuan in ei ang a, tin, zingah in haw leh ang a, in puan inah inkal tur a ni.
8.  Ni ruk chhung chu chhang dawidim telh loh in ei tur a ni; tin, a ni sarih ni chu LALPA in Pathian tan inkhawmpui thianghlim ani ang a, hna in thawk tur a ni lo.
9.  chawlhkar sarih in chhut ang a; in buh seng tan ni atangin chawlhkar sarih chu in chhut tur a ni.
10.  LALPA in Pathianin mal a sawm che u ang zelin in deh chhuah zinga mi mahni duh thua thilhlan chu hlanin LALPA in Pathian tan chawlhkar kut in nei tur a ni;
11.  tin, LALPA in Pathian in a hming awmna a la ruat turah chuan nangni nen, in fapa te, in fanu te, in bawihpa te, in bawihnu te, in awmnaa awm Lei-ho te, hmeithaite nen LALPA in Pathian hmaah hlim takin in awm ang a;
12.  Tin, Aigupta ramah khan bawih in ni tih in hre reng tur ani a; tin, he'ng dante hi fimkhur takin in zawm tur a ni.
13.  In hrui ata leh in uain sawr khur ata in chhek khawm zawhah ni sarih chhng bawkte kut in nei tur a ni;
14.  in kutah chuan nangni nen, in fapa te, in fanu te, in bawihpa te, in bawihnu te, in awmnaa awm Levi-ho te, ram dang mi te, pa nei lo te, hmeithaite nen hlim takin in awm tur a ni.
15.  LALPA'n hmun a la ruat turah chuan LALPA in Pathian tan ni sarih inkut tur a ni; LALPA in Pathianinin thil haw zawng zawngah leh in kutkawih zawng zawngah te mal a sawm ang che u a, lawm tak hlirin in awm dawn nia.
16.  Kum tin, in mipa zawng zawngte chu vawi thum LALPA hmaah hmun a la ruat turah chuan an inlan tur a ni,chhang dawidim telh loh kutah te, chawlhkar kutah te, bawkte kutah te; tin, LALPA hmaah tumah kut ruak in in inlan tur a ni lo a,
17.  LALPA in Pathianin malsawmna a dawntir che u ang zelin mi tinin an theih ang tawk an pe tur a ni.
18.  LALPA in Pathianin a pek che u in kulh kawngka zawng zawngah inhnam ang zelin roreltute leh hotute in insiam theuh vang a, mipuite ro fel takin an rel sak tur a ni.
19.  Dik lo takin ro in rel tur ani lo; tumah duhsak bik in nei tur a ni lo; thilpek in la tur ani hek lo; thilpek chuan mi fingte mit a tihdelsak a, mi felte thu a tihkhawlohsak si thin a.
20.  LALPA in Pathianin a pek che u ram chu nungdama in luah theih na'n a fel chauh a chu in zawm tur a ni.LALPA in Pathianin a huatzawng lung pawh in phun tur a ni hek lo.
21.  LALPA in Pathianin a huatzawng lung pawh in phun tur a ni hek lo.
←  Deuteronomy (16/34)  →