SAM,99:1-9

← Psalms (99/150) → 1. LALPA chu lalah a thu a; mi tin, chu khur rawh se: Ani chu cherubte chungah athu a; lei hi nghing rawh se. 2. LALPA chu Zion khaw chhungah chuan ropui tak ani a; Mi tinrengte chungah chuan chungnung daih a ni. 3. Anni chuan i hming ropui tak hlauhawm tak chu fak rawh se; Amah chu a thianghlim a ni. 4. Lalber chakna chuan rorelna a ngaina a; Nang chuan thlei bik neih lohna i tinghet thin a, Nang chuan Jakob-ho zingah ro i rel a, fel takin i ti thin. 5. LALPA kan Pathian chu chawimawi u la, A ke nghahchhan bulah chuan chibai buk rawh u: Amah chu a thianghlim a ni. 6. A puithiamte zingah chuan Mosia leh Arona, A hming lamtute zingah chuan Samuela; Anni chuan LALPA chu an ko a, ani chuan a chhang ta a: 7. Chhumdingah chuan an hnenah thu a sawi a: A thuhriattirte leh thuruat a pek chu an zawm a. 8. Aw LALPA kan Pathian, nang chuan anni chu i chhang a: Nang chu anmahni ngaidamtu Pathian i ni , An thiltih chungahte phuba la thin mah la.LALPA kan Pathian chu chawimawi u la, A tlang thianghlimah chuan chibai buk rawh u; LALPA kan Pathian chu a thianghlim si a. 9. LALPA kan Pathian chu chawimawi u la, A tlang thianghlimah chuan chibai buk rawh u; LALPA kan Pathian chu a thianghlim si a. ← Psalms (99/150) →