SAM,9:1-19

← Psalms (9/150) → 1. LALPA hnenah chuan ka thinlung zawng zawngin lawm thu ka sawi ang a; I thilmak tih zawng zawng chu ka hriattir ang. 2. Nangmahah chuan ka lawmin ka hlim ang a: Aw, nang Chungnungber, i hming fakin ka zai ang. 3. Mi dotute chu an tlanchhiat veleh, I hmaah chuan an petek a, an boral a ni. 4. Ka tana awm rengah leh ka thu-ah hian nangin mi tan si a; Fel taka rorelin lalthutphahah chuan i thu a. 5. Hnam tin i zilhhau a, mi suaksualte i tiboral a, An hming hchu kumkhaw tlaitluan atan i thai bo ta a. 6. Dotute chu an mang zo a, kumkhua atan engmah nei loin an awm ta; I khaw tihtiau tawhte chu, Anmahni hriat rengna lamin a boral ta bawk a. 7. LALPA erawh chu kumkhua atan lalah a thu a: A lalthuphah chu rorelna turin a buatsaih ta. 8. Ani chuan khawvel hi fel takin ro a relsak ang a, Thlei bik nei loin mi tin, ro chu a rel ang. 9. Chutichuan LALPA chu hnehchhiahna tuarte tan chuan kulhbing sang a lo ni ang a, Mangan hunahte chuan kulhbingsang a lo ni ang. 10. Tichuan i hming hretute chuan an ring ang che; Nang zawngin, LALPA, nangmah zawngtute chu i kalsan ngai si lo. 11. LALPA, Ziona awm chu, fakin zai u la; Mite zingah chuan a thiltihte chu hril rawh u. 12. Thisen chhuah chhuahchhal thintu chuan anni chu a hre reng si thin a: Miretheite au thawm a theihnghilh ngai lo. 13. Aw LALPA, mi khawngaih la; Thihna kawngkhar ata mi kai chhuak thintu, Mi hawtute avanga ka manganna hi en teh; 14. Nangmah fakna zawng zawng chu ka hriattir theihna turin; Zion fanu kawngkaahte chuan, I mi chhandamnaah hian ka hlim ang. 15. Hnam tin chu an khuarkhurum siamah chuan an pil a: An len phah rukah chuan anmahni ke ngei a awk ta a. LALPA chu a inhraittir a, ro a rel ta a: 16. Mi suaksual chu ama kut chhuak ngeiah chuan a awk thin a. (Higgaion Selah) Mi suaksualte chu Seol-ah an kir leh ang. Hnam tin Pathian theihnghilh hmang zawng zawngte chu. 17. Pachhiate chu theihnghilhin an awm fo lo ang a, Retheite beiseina chu kumkhua chuan a bo hek lo ang. 18. Aw LALPA, tho teh; mihring maiin ngam che suh se. Hnam tin chu i mithmuhah hian rorelsakin awm rawh se.Aw LALPA, anni chu tihlau la; Hnam tinin mihring mai an ni tih inhre rawh se. (Selah) 19. Aw LALPA, anni chu tihlau la; Hnam tinin mihring mai an ni tih inhre rawh se. (Selah) ← Psalms (9/150) →