SAM,74:1-23

← Psalms (74/150) → 1. Aw Pathian, engati nge kumkhua atan min thlauhthlak le? Engati nge i ran tlatna hmuna beramte chungah hian i thinur a khuk le? 2. I mite inkhawmho, hmasanga i lei, Hnam i ro atan i tlan kha, hre reng ang che; I awm thinna Zion tlang nen. 3. Chhe let der tawh chu han fang teh, Dotuten hmun thianghlimah chuan thil sual tinreng an tih tak hi. 4. Nangmah dotute i mite inkhawmho zingah an haw haw dur dur a; An chhinchhiahnate chu chhinchhiahna turin an tar ta a. 5. Mi, ngawbing thing Hreipuia tinte angin an lang a. 6. Tunah chuan a thil ker mawi zawng zawngte chu Hreite leh tubohtein an tichhe hlawm a. 7. I hmun thianghlim chu an hal a; I hming awmna chu leia chim khawp hialin an bawrh ta a. 8. An rilruah chuan, "I tichhe vek hlawm ang u," an ti a: He rama Pathian inkhawmna in zawng zawng hi an hal chhe zo ta a. 9. Kan chhinchhiahnate chu kan hmu ta lo a; Zawlnei reng reng an awm ta lo a; A rei tur chin hria reng reng kan zingah an awm hek lo. 10. Aw Pathian, dotu chuan eng chen nge a sawichhiat dawn che? Hmelma chuan i hming hi kumkhuain a sawichhe dawn em ni? 11. Engati nge i kut, i kut ding lam kha, i lak tak le? Phawrh chhuak leh la, anniho chu tiboral rawh. 12. Nimahsela, Pathian chu hmasang chena ka Lal a ni, Lei lai taka chhandamna siam thintu chu. 13. Nang chuan i chaknain tuifinriat kha i tithen a: Nang chuan tuia drakonho lute chu i tikeh a. 14. Nang chuan liviathan lute chu i tikeh sawm a, Ani chu thlalera mi awmte hnenah chuan chaw atan i pe a. 15. Nang chuantuihna leh tui lian chu i sah huk a: Nang chuan lui lian tak takte i tikang a. 16. Chhun hi i ta ani a, zan pawh i ta a ni: Nangin entu leh ni khi i buatsaih a. 17. Nangin leilung ramrite zawng zawng chu i kham vek a: Nangin nipui leh thlasik hi i siam a. 18. Aw LALPA, hei hi hre reng ang che, dotu chuan a sawichhiat chia, Hnam a tak chuan i hming a sawichhiat kha. 19. Aw, i thuro nunna hi ram sakawlh hnenah chuan pe lul suh la: I mi retheite nunna kumkhua chuan theihnghilh suh ang che. 20. Thuthlung kha rawn pawisa ang che. Thuthlung kha rawn pawisa ang che. Lei hmun thim laite chu nunrawnna awmnain a khat si a. 21. Aw, hnechhiahna tuarte chu mualphoin kir suh se la: Rethei leh pachhiate chuan i hming fak rawh se. 22. Aw Pathian, tho la, nangma thu chu insawi chawp la. Mi a chuan nilengin a sawichhiatzia che chu hre reng ang che.Nangmah dotute thawm chu theihnghilh suh ang che: A beituho che sa mur mur chu a chho fo thin a ni. 23. Nangmah dotute thawm chu theihnghilh suh ang che: A beituho che sa mur mur chu a chho fo thin a ni. ← Psalms (74/150) →