JOSHUA,24:1-33

←  Joshua (24/24)     
1.  Tin, Joshua'n Israel hnam zawng zawngte chu Sekem-ah a ko khawm a, Israel-ho upa te, an puipa te, an roreltute, an hotute a kohtir a; tin, Pathian hmaah an rawn inlan hlawm a.
2.  Tin, Joshua'n mi zawng zawng hnenah chuan, "LALPA, Israelte Pathianin heti hian a ti a ni: 'In thlahtute kha hman laiin Lui piah lamah khan an awm thin a, Abrahama pa leh Nahora pa Tera meuh pawh kha: anni chuan pathian dangte rawng an bawl thin a.
3.  Tin, in thlahtu Abrahama kha Lui ral ata ka hruai chhuak a, Kanaan ram chhung zawng zawngah khan ka hruai a, a thlahte chu ka tipung a, Isaaka kha ka pe a.
4.  Tin, Isaaka chu Jakoba leh Esauva ka pe a: tin, Esauva chu a chanpual atan Seir tlang ka pe a; tin, Jakoba leh a fate kha Aigupta-ah an zuk chhuk a.
5.  Tin, Mosia leh Arona ka tir a, Aigupta ram chu an zingah thilmak tiin ka hrem a; tin, chu mi zawhah chuan ka hruai chhuak che u a.
6.  Tin, inthlahtute chu Aigupta ram ata ka hruai chhuak a: tin, tuipui in va thleng a; tichuan Aigupta mite chuan in thlahtute chu tawlailirte leh sakawr chung chuang mite nen Tuifinriat Sen thlengin an um a.
7.  Tin, anni chuan LALPA an han auva, Aigupta mite nena an inkar chu a rawn tithim ta mup a, tin, tuipui a rawn tuamtir a, a chimpil ta a; tichuan Aigupta rama ka thiltih kha in mit ngeiin a hmu a; tin, thlalerah khan rei tak in awm a.
8.  Tin, Jordan lui rala awm Amor ho ramah chuan ka hruai che u a; tin, an lo do che u a: tichuan in kutah ka pe a, an ram chu in luah ta a; tin, anni chu ka tihboralsak ta che u a.
9.  Tin, Moab leh Zipora fapa Balaka kha a lo thawk a, Israel-hote a lo do a; tin, Beora fapa Balaama kha an chhiahhlawh tur che uin a kohtir a:
10.  a sawm ta zawk che u a: chutichuan a kut ata chu ka chhanchhuak ta che u a ni.
11.  Tin, Jordan lui in kai a, Jeriko khua in han thleng a; tin, Jeriko khua amiten an lo do che u a, Amor-ho te, Periz ho te, Kanaan ho te, Hit ho te, Girgas-ho te, Hiv ho te, Jebus-ho te nen khan; tichuan anni chu in kutah ka pe ta a.
12.  Tin, in hmaah khawinghal ka tir a, chu chuan in hmaah anmahni chu a um a, Amor-ho lalte pahnih ngei kha; in khandaihin emaw, in thalngulin emaw ani hek lo.
13.  Tin, in thawhchhuah hauh loh ram leh nangmahni siam hauh loh khawpuite ka pe che u a, chungah chuan in awm a; in phun loh grep huan leh oliv huana mite chu in ei a,' tiin.
14.  Chuvangin LALPA chu tih ula, tih takzet leh dik takin a rawng chu bawl ula: inthlahtuten Lui ral leh Aigupta rama a rawng an bawl thin pathiante kha paih vek ula; LALPA rawng bawl ang che u.
15.  Tin, LALPA rawngbawl hi a tha lo awm anga in hriat chuan vawiinah hian tu rawng nge in bawl dawn thlang mai rawh u; in thlahtuten Lui rala a rawng an bawl thin pathiante kha nge, in luah ram Amor-hote pathiante kha? Kei leh ka chhungte erawh hi zawngin LALPA rawng ania kan bawl dawn ni," a ti a.
16.  Tin, mipuite chuan, "LALPA Pathian chu kalsanin pathian dangte rawng chu kan bawl loh turzia mai chu;
17.  amah LALPA kan Pathian ngeiin alawm kan thlahtute nen Aigupta ram bawih ata min hruai chhuak a, kan mithmuha chhinchhiahna ropui tak takte ti a, kan kalna apiang leh, mipui zawng zawng kan tawn tlangna pawha min venghim zeltu chu.
18.  tichuan LALPA'N kan hma ngeiah hnam tin, chung rama awm Amor-hote ngei chu a hnawt chhuak vek a: chuvangin keini pawhin LALPA rawng a ni kan bawl dawn ni: amah chu kan Pathian a ni si a," an ti a, an chhang a.
19.  Tin, Joshua'n mipuite hnenah chuan, "LALPA rawng chu in bawl thei lovang; ani zawng Pathian thianghlim ani si a; Pathian thikthuchhia a ni a; in bawhchhiatnate leh in sualnate chu a ngaidam lovang.
20.  LALPA chu in kalsan a, hnam dang pathiante rawng in bawl zawngin, in chunga a tha chung hian in chungah thil tha lovin a tuan ve ang a, a tiboral mai tur che u a nia," a ti a.
21.  Tin, mipuite chuan Joshua'n hnenah, "Ni love, LALPA rawng kan bawl tlat zawk dawn a ni," an ti a.
22.  Tin, Joshua'n mipuite hnenah,"A rawngbawl tumin LALPA chu in thlang ta ngei mai tih thu hretute chu nangmahni ngei hi in ni ta e," a ti a. Tin, anni chuan, "thu hretute chu kan ni ta alawm." an ti a.
23.  Tin, amah vek chuan, "Chuti anih chuan in zinga hnam dang pathian awmte chu dah bo daih ula, in thinlunge chu LALPA, Israelte Pathian lamah chuan thlektir rawh u," a ti a.
24.  Tin, mipuite chuan Josua hnenah," LALPA kan Pathian rawng chu kan bawl ang a, a thu kan zawm zel ang," an ti a.
25.  Chutichuan Joshua'n chu mi ni chuan mipuite hnenah thu a thlung a, Sekem khuaah chuan dan leh rorelna a ruatsak a.
26.  Tichuan Joshuan chung thu chu Pathian dan buah a ziak a; tin, lung lianpui a la a, LALPA hmun thianghlim bula sasaw hnuaiah a phun a.
27.  Tin, Joshua'n mipuiho zawng zawng hnenah chuan, "Ngai teh u, he lung hi kan thu hretu ni rawh se," LALPA'N kan hnena thu a sawi zawng zawng chu a hriat tak vek hi, chuvangin in thu hretu ani dawn a ni, chutilozawng in Pathian hi in phatsan mai dah ang e," a ti a.
28.  chutichuan Joshua'n mipuite chu anmahni chanpual ram theuhvah a hawntir ta a.
29.  Tin, heti hi a ni a, chung thil hnuah chuan Nuna fapa Joshua LALPA chhiahhlawh chu kum za leh kum sawm mi niin a thi a.
30.  Tin, Gas tlang hmar lampang, Ephraim tlang rama ama chanpual ramri chhung Timnath-sera-ah chuan an phum ta a.
31.  Tin, Joshua dam chhung leh, upaho Joshua khuma dam te, LALPA'N Israel-hote tana thil a tih zawng zawng hretute dam chhung chuan Israel-hoten LALPA rawng an bawl thin a.
32.  Tin, Israela thlahten Aigupta ram ata Josefa ruh an chhawm chhoh kha Sekem khuaa hmun, Sekema pa Hamora fate laka Jakoba'n tangka zaa a leiah khan an phum a: tichuan chung chu Josefa thlahte pualah a lo awm ta a.Tin, Arona fapa Eleazara chu a thi a; tin, Ephraim tlang rama a puala an pek, a fapa Phinehasa tlangah chuan an phum ta a.
33.  Tin, Arona fapa Eleazara chu a thi a; tin, Ephraim tlang rama a puala an pek, a fapa Phinehasa tlangah chuan an phum ta a.
←  Joshua (24/24)     

JOSHUA,23:1-16

←  Joshua (23/24)  →
1.  Tin, heti hi a ni a, kum eng emaw zat lai a lo vei hnu a, LALPA'n Israel-hote chu an kiang vela hmelma zawng zawngte laka muanna a pek hnu chuan Joshua pawh chu a lo upain, a lo tar ta hle a:
2.  tichuan Joshua'n Israel-ho zawng zawngte, an upate leh an puipa te, an roreltute leh an hotute chu a kohtir a, an hnenah, "Kei zawng ka lo upain, ka lo tar ta:
3.  LALPA in Pathianin nangmahni avanga he'ng hnam zawng zawngte chunga a tih dan hi in hmu a; LALPA in Pathianin, amah ngeiin a ni, dosak che u ni.
4.  Ngai teh u, he'ng hnam a la awmate hi he'ng hnam ka tihbo takho zawng zawng ramte nen hian, Jordan atanga ni tlakna lam tuifinriat zauna tleng rakin in chite rochanah ka ruatsak a che u.
5.  Tin, LALPA in Pathianin inhmaah hian a hnawtchuak ang a, in hmuh phak lohvah a hnawt bo vek ang a; tichuan LALPA in Pathianin in hnena a sawi tawh ang khan a ram chu in nei dawn nia.
6.  chuvangin Mosia dan lehkhabua ziak zawng zawngte hi ding lamah emaw, vei lamah emaw in pensan hauh loh na'n huai takin pawm u la, ti rawh u;
7.  he'ng hnam in zinga la awmate nen hian inchiahpiah lova an pathiante hming pawh lam lova, an hming chhala chhia chham lova, an rawng pawh bawl lova, kun a chibai in buk hek loh na'n vawiin thlenga in la tih cheu thin ang hian,
8.  LALPA in Pathian chu vuan tlat zawk thin ang che u.
9.  LALPA'N in hmaah chi ropui tak leh chak takte chu a hnawhchhuah tak vek hi: nangni hmaah zawng vawiin thlengin tumah tang thei reng reng an awm loh hi.
10.  In zinga mi pakhatin mi sangkhat a um ang: in hnena a lo sawi tawh angin, LALPA in Pathian hian a ni, dosak thin che u ni.
11.  Chutichuan LALPA in Pathian chu hmangaih turin fimkhur tha hle rawh u.
12.  chutilochuan in hawisan hlauh a, he'ng hnam, la awmho in zinga la cheng rengte hi in kungkaih a, anmahni nena nupui pasala in inneih a, anmahni chu in pawl a, anni pawhin an pawl vaih che u zawngin,
13.  LALPA in Pathianin he'ng hnamte hi in mithmuhah chuan a hnawhchhuahsak dawn tawh tawp lo che u a, LALPA in Pathian ram tha tak a pek che u ata hi in boral vek hma loh chuan anmahni chu in tan thang leh fal leh, in nak atana vuakna tiang leh, in mit atana hling an lo ni zawk ang tih chiang takin hre rawh u.
14.  Tin, ngai teh u, tunah hian leilung zawng zawng dan angin ka kal ve dawn ta a ni: LALPA in Pathianin in chungchang a tha lam a lo sawi tawh zawng zawngte kha thlawn pakhat mah a awm lo tih chu in thinlung zawng zawng leh in rilru zawng zawngin in hria e; in chungah a lo thleng ta vek a, pakhat mah thlawn a awm lo ve.
15.  Tin, heti hi a ni ang a, LALPA in Pathianin thil tha in hnena a sawi zawng zawngte kha in chunga a lo thleng ta vek ang bawk hian, LALPA in Pathianin he ram tha tak a pek che u ata hi a tihboral vek hma loh che u chuan LALPA'N thil tha lote chungah a la rawn thlentir ve ang.LALPA in Pathian thuthlung, pawm tura a pek che u hi in bawhchhiat a, pathian dangte rawng in bawl a, kun a chibai in buk chuan, LALPA thinurna chu in chungah a ling ang a, ram tha tak a pek che u ata hi in boral thuai mai ang," a ti a.
16.  LALPA in Pathian thuthlung, pawm tura a pek che u hi in bawhchhiat a, pathian dangte rawng in bawl a, kun a chibai in buk chuan, LALPA thinurna chu in chungah a ling ang a, ram tha tak a pek che u ata hi in boral thuai mai ang," a ti a.
←  Joshua (23/24)  →